近年每次旅遊最大既心理關口~係點樣/幾時開口同媽咪講
除左天災..今年特別多空難~7月果陣..爸爸仲親自開口講到明
當時..其實已經訂晒package~但都無同佢地講..直到出發前2日
先打比媽咪話星期六出發~佢反應好突然..感覺明顯係好擔心
唉! 就係諗住遲d講..等佢擔心少幾日ma~最驚佢好似上2次咁
我去左旅行..瞓得唔好攪到病~好在依家可以隨時whatsapp
加上睇到老闆fb既相~今次又無玩老虎..應該挽回不少信心(哈)
~ ~ ~ ~ ~ ~ ~ ~ ~ ~
今次選用Expedia訂購機票+酒店~篩選後..比其他更方便快捷
因為航空公司及酒店~可以貼合到我需要..唔駛分開訂咁煩
價格視乎自己揀選既航空公司而定~有得揀..會首選"國泰航空"
另外..今次同樣自駕遊~交通方面..始終信任老闆多過其他司機
同樣有得揀..我既生命會交托比老闆(近年各地自駕遊意外既新聞唔少)
出發前都嚴謹叮囑老闆~自己要好小心外..都要留意其他魯莽司機
身在外地..唔係自己地方~凡事要更加忍讓..反正不趕時間ma(最緊要小心)
~ ~ ~ ~ ~ ~ ~ ~ ~ ~
9月20日(星期六..Day 1)~近幾次旅行..無左年少時既興奮度(心情好平淡)
前一晚瞓得非常好~4點半起身梳洗+收拾埋行李就正式出發
48小時前online check in~7點多去到機場寄行李..好快等上機
我地乘坐"國泰航空"..CX713 - HK > BKK(8:50am-10:40am)
