2014年2月24日 星期一

食譜。醃浸鹹柑桔


2月15日(星期六)~同表弟兩公婆係Feast食完Weekend Brunch

我地就拎埋d桔返娘家先~原本同媽咪一人一半各自浸既

不過真係好重~加上媽咪屋企原來有好多大樽..所以諗諗下

條懶筋又戚戚下(奸笑)~最終都係拎少少返屋企玩下算啦

其他交比媽咪負責~食晒先再返娘家拎(真係覺得自己好奸..嘩哈)

同埋..最主要想留食譜自用or等大家有興趣都可以試下呢

~ ~ ~ ~ ~ ~ ~ ~ ~ ~

下午返到娘家..等媽咪篩選~整鹹柑桔一定要用"四季桔"

通常生果店過左元宵節~有一段好短既時間會有得賣

但記得係用"四季桔"黎醃浸~而唔係用"金桔"呢

如果公司方便自己摘的話~剪既時候要留蒂部份

因為如果無蒂會好快變壞~篩選過程要揀飽滿結實

破損/壓破/完全熟腍出水都唔好要~以免一粒影響成樽桔呢