2012年11月20日 星期二

食譜。中式蓮蓉包


中式包點類黎講呢..我最鐘意就係食"蓮蓉包"

由其用黃蓮蓉做餡~庶糖味比白蓮蓉餡香濃好多

而中式甜包中..我最唔鐘意食就係麻蓉/奶黃包

細個同爸媽飲茶..有時會叫黎食~次次邊食邊打冷震(太甜)

而爸媽一向管教都好嚴厲(絕對無情講)..由其唔准偏食

任何食物都要我地食下~記得細個最唔like食苦瓜

扁過一次面之ma~攪到成個星期..晚晚都要食苦瓜(嗚~!)

所以之後醒啦..唔鐘意都大啖食~唔係有排受苦(哈哈)

不過其實爸媽嚴厲都係對我地好~家教真係好重要架

依家大個左..唔會抗拒食~但有得揀..亦唔會揀黎食既
(=有時飲茶叫"迷你煎堆"~點知原來入面係奶黃餡..少少會照食~多就一定撩走晒囉..哈)

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
早排阿喂無啦啦問我~點解唔見我整中式包點

所以佢講完之後~我就試整個"中式蓮蓉包"

依個剛入籠準備蒸~之前見好多人都講同一問題

話蒸完面層好易起皺紋~我都擔心架..不過都試左先囉

2012年11月15日 星期四

食譜。蛋白杏片曲奇

之前整左個"迷你椰蓉檳"(click)~仲有個蛋白多左出黎

所以物盡其用~順便清埋包杏仁片~整個"蛋白杏片曲奇"呢

2012年11月14日 星期三

食譜。迷你椰蓉檳


11月14日(星期三)~"椰檳"..久唔久都會買個黎食

我好鐘意食椰子製品~不過除左糖果+椰絲奶油包外

"糖果"係因為我本身唔鐘意食太甜既野..會反胃呢

而"椰絲奶油包"係因為本身我都唔鐘意食cream類

少少勉強可以接受~但如果成堆好多既(例如:cream cake)

我通常會走晒d cream先食~一係直頭唔會揀食囉

依朝起身..諗住又整包包食~正好仲有包椰絲(待清倉中)
所以諗起..就整個"迷你椰蓉檳"做brunch^^

2012年11月1日 星期四

食譜。Margherita Spring Roll


依個"Margherita Spring Roll"..靈感源自"Margherita Pizza"

或多或少..因為我實在太like食pizza~反正屋企仲有春卷皮

所以轉一轉..黎個新配搭~將pizza餡料..轉為春卷餡料一試

出黎既效果..超驚喜~實在太精彩既一個mix and match^^